LAOAG CITY – Inpasigurado ni Mrs. Antonette Bareng, mangidadaulo ti Business Permits & Licensing Office (BPLO) ditoy ciudad ti Laoag a makitinnulong da iti Philippine National Police (PNP).
Daytoy ket pakaseknan iti reklamo dagiti sumagmamano a residente a sumrumrek kadagiti pasdek negosyo ditoy ciudad.
Inbatad ni Bareng a posible nga agsursur ken kasarita da dagiti mangimatmaton kadagiti nagduduma a pasdek negosyo ken tapno maballaagan dagiti mangar-aramid wenno mangus-usar iti linuluko dagiti impormasyon.
Ummuna iti daytoy, adda ti naawat ti Bombo Radyo Laoag nga impormasyon a malukluko dagiti sumagmamano nga indibidwal kalpasan ti panangisurat da dagiti personal information da kas iti numero da iti cellphone kadagiti logbook iti kada pasdek negosyo a papanan da.
