LAOAG CITY – Kalikagom ti Business Permit and Licensing Office (BPLO) ditoy ciudad ti Laoag nga isuro ti panagusar iti “online registration” dagiti amin nga addaan iti pasdek negosyo ditoy ciudad.
Segun kenni Ms. Eva Marie Dumlao, ti Licensing Officer III iti Business Permit and Licensing Office ditoy ciudad ti Laoag, daytoy ti maysa nga indawatna kalpasan ti Executive Legislative Agenda.
Kunana a no mabalbalin ket makataripnong da amin a barangay tapno maipakaamo daytoy kadagiti addaan ti negosio kentapno saanen a kasapolan nga agturong da iti opisinada.
Inbatadna a babaen iti daytoy nga addang ket al-alisto ti proseso iti panagrenew dagiti business permitda pakairaman iti panagala dagitoy.
Inanayon ni Dumlao nga amin ton a panagparehistro ket digitalization pakairamanan ti panagbayadda. Mangnamnamma daytoy nga intono panag-renew ti bussiness permit ket ammo dan ton nga usaren ti online registration gapo ta ado pay dagiti saan a makasurot wenno makaammo daytoy nga usaren.
