LAOAG CITY – Mannarimaanen ti panagsagsagana ti Business Permit and Licensing Office ditoy ciudad ti Laoag para iti mapaspasangasangan a panagparehistro dagiti negosyo iti tawen 2025.
Segun ken ni Ms. Antonette Bareng, mangidadaulo ti Business Permit and Licensing Office a daytoy ket kagiddan ti panangrugi iti tawen 2025.
Namnamaenna nga ad-ado a negosyo ti mairehistro inton sumaruno a tawen, nangatngato ngem iti 6,000 a negosyo a naireshistro iti 2024.
Kinunana a mangrugi ti panagakomodar ti opisina da inton Enero 2 agingga Enero 20 ken nakadepende daytoy iti situasion no adda ti mapasamak nga extension.
Nupay kasta, inbatadna a napinpintas ti panagrehistro dagiti negosyante babaen iti online tapno maliklikan ti panagdudupodop dagiti tattao.
Kabayatanna, kuna ni Bareng a mai-post online ti link babaen iti Business Permit and Licensing Office.
