LAOAG CITY – Inbatad ni Mrs. Antonette Bareng, ti mangidadaulo iti Business Permit and Licensing Office (BPLO) ditoy ciudad ti Laoag a pabor kadakuada ti pannakaiyalud ti panagirenew ti business permit.
Daytoy ti kangrunaan a napagsasaritaan kabayatan ti sesyon iti konseho ditoy ciudad idi kalman.
Naamoan nga adda dagiti nagbuteng a rumuar tapno mapan agrenew ti business permit na kalpasan a naikabil iti babaen ti alert level 3 ditoy probinsya a pakairaman ditoy ti ciudad ti Laoag.
Inpakaammo ni Bareng nga iti napalabas a tawen ket addan ti 70-80 a porsiento wenno 5,176 a negosyo a nakapagrenew ti business permit na ditoy ciudad ti Laoag.
Mangnamnama ni Bareng nga iti pannakaiyalud-od ti panagirenew ti business permit ket makapag-renew aminen a negosyo ditoy ciudad ti Laoag.
