LAOAG CITY – Kinanselar ni Brazilian President Luiz Inácio Lula da Silva ti biyahe na nga agturong idiay Russia kalpasan a nagsagaba ti sugat iti ulo na gapu iti aksidente iti mismo a balayna.
Nakaschedule a mapan koma agatendar ti agtawen ti 78 a presidente iti Brics summit, a grupo dagiti major developing countries a pakairamanan ti Brazil, Russia, India, China ken South Africa.
Gapu iti napasamak ket binalakadan ti top hospital iti ciudad ti Brasília ti presidente a liklikan na paylaeng ti nabayag a panagbiyahe.
Inkeddeng ti presidente a makipaset laengen iti taripnong babaen iti video.
Saan metten a nangipaay ti dadduma a detalye ti opisina ni Presidente da Silva seknan iti sinagaba na a sugat kangrunaan na iti ulo na.
