LAOAG CITY – Sumaysayaaten ti kondisyon ni President Luiz Inácio Lula da Silva iti Brazil kalpasan a dimmalan iti operasyon gapu iti panagpadara ti utek na.
Ti agtawen ti 79 a presidente ket naitaray iti ospital iti ciudad ti Brasília kalpasan a nagpasar ti nakaro a sakit iti ulo.
Naduktalan iti Magnetic resonance imaging (MRI) scan nga adda ti dara iti utek ti presidente isut gapuna a naiyakar daytoy iti Sírio-Libanês hospital iti São Paulo.
Naamoan a nagsagaba ti presiente ti intracranial hemorrhage kalpasan a naitupar ti ulo na gapu iti pannakaipagalis na iti bathroom iti presidential residence idi Oktubre ita a tawen.
Iti agdama ket agtultuloy paylaeng ti pannakamonitor ti presidente iti intensive care unit ngem inpasigurado ti ospital a sumaysayaaten ti kasasaad na.
