LAOAG CITY – Ibilang ni Mrs. Jane Bingil Rellon, iti Brasilia Brazil a narigrigat ti sitwasyon da iti agdama a mapaspasaran a coronavirus pandemic.
Kuna na a nagkusa nga agquarantine dagiti Brazilians ken Pilipino ken saan da nga inuray ti pammilin ti presidente iti nasao a pagilian.
Segun kenni Rellon, awan kadagiti Pilipino ti nagpositibo ti covid-19.
Inbatad na a nagpanic-buying dagiti tattao agraman dagiti Pilipino sakbay a nagserra dagiti nagduduma nga establisimiyento nupay awan pay ti pammilin ti otoridad.
Inbunannag na a nasurok maysa a bulanen a nagtalinaed iti siudad ti Fortaleza iti nasao a pagilian kadua na dagiti amo na ken idiay da payen a nagquarantine.
Inlawlawag na a nakapagbakasyon da pay laeng sakbay iti naan-anay a panagwaras ti covid-19 iti intero a lubong.
Manamnama nga agawid da iti pagtaengan da iti Brasilia intono sumaruno a lawas.
Umaboten ti 72,899 ti kaso ti covid-19 ken 5,063 dagiti pimmusay idinto a 32,544 dagiti nalaingan manipud iti nasao a virus.
