LAOAG CITY – Kinumpirmaran ni Police Capt. Joseph Tayaban, hepe ti PNP Badoc nga umabot iti 100 nga indibudual dagiti nakapulapol ni IN-C67, lalaki, agtawen ti 48, APOR wenno kameng ti PNP a taga Brgy Paltit iti ili ti Badoc.
Kuna na a na home quarantine amin dagiti primary contacts ken nakalockdown ti Brgy. Paltit ken Brgy. Lubigan.
Segun kenni Tayaban, agtultuloy ti imbestigasyon dagiti adda iti Police Regional Office 1 para iti Breach of internal Discipline ken Bayanihan Act of 2020 a possible a nasalungasing na.
Inbatad na nga ipaay da ti affidavit ti witness a police a nanginterview kenkuana iti border.
Kabayatanna, inpakaammo ni Tayaban a temporaryo a saan pay laeng a mabaling ti agpastrek kadagiti Locally Stranded Individuals ditoy probinsya agingga intono Setyembre 18.
