LAOAG CITY –Ilunglungalong dagiti nagduduma a pagilian ti panangsuportar ti breastfeeding ken health systems tapno maikkan ti naan-anay a nutrision dagiti ubbing bayat ti panagrugida iti biag.
Segun iti World Health Organization, ado dagiti ina ken pamilia iti intero a lubong ti makapaspasar ti kinakurang iti access kadagiti serbisio ken interventions para iti pannakusuportar ti breastfeeding.
Inbatad ti nasao nga ahensia a ti breastfeeding ket mangted ti benepisio babaen iti pannakailiklik iti risgo ti noncommunicable diseases kas iti breast ken ovarian cancers ken type 2 diabetes.
Gapu iti dayoy, naikeddeng ti pannakaisayangkat ti World Breastfeeding Week, babaen ti panngidaulo ti Health Organization nga addaan ti tema a “Breastfeeding for a Sustainable Start in Life: Strengthen What Works,”no sadinno a gagem daytoy nga aktibidad ti pannakapapigsa ken pannakapalawa ti quality breastfeeding ken community-based counselling and peer programmes tapno masigurado nga amin dagiti ubbing ket maikkan ti best possible start iti biagda ken kasta met dagiti inna-da.
