LAOAG CITY – Inpakaammo ni Barangay Chairman Primo Jay Ramos iti Brgy. 23 San Matias ditoy siudad ti Laoag nga umabot iti 36 ti aktibo a kaso ti COVID-19 iti barangay da.
Kuna na nga adda ti 10 a pagtaengan ti nailockdown ken kaaduan iti Sitio Dungtal.
Inlawlawag ni Ramos a saan a nawaras dagiti maseknan gapu ta adda iti kada miembro ti pamilya dagiti nagpositibo rason a ti laeng pagtaengan ti nailockdown.
Inbatad na nga APOR dagiti nagpositibo ken adda dagiti agpapaay iti gobyerno ken adda dagiti undetermined cases.
Inpakaammo ni Ramos a nadisiplinaan dagiti kabarangayan na kalpasan nga adda dagiti naakaran ti COVID-19.
Innayon na a naiyuswat iti kallabes ti mass antigen testing iti barangay no sadinno nga adda ti lima a nagpositibo.
