LAOAG CITY – Nailockdown ti intero a Brgy. 49-B Raraburan ditoy siudad ti Laoag kalpasan a nagpositibo iti COVID-19 ni IN-C552, lalaki, agtawen ti 36, ken agtrabtrabaho kas collector iti Slaughter House.
Iti nakalap nga impomasyon ti Bombo Radyo Laoag, naamuan aggigiyan ti pasyente iti nagduduma a sitio iti nasao a barangay.
Gapu iti daytoy, nakabantay dagiti kameng ti PNP Laoag ken dadduma pay nga otoridad.
Nakaisolate amin dagiti opisyal ti barangay gapu ta naibilang da a close contact ti pasyente.
Naamoan a ni Barangay Chairman Elmer Maulit ket maysa a primary contact idinto a dagiti kakadua na ket secondary contact.
Parikut dagiti residente iti panaggatang da iti makan kalpasan a nakaisolate dagiti opisyal ti barangay gapu ta isuda ti kangrunaan a mapan gumatang kadagiti kasapulan dagiti residente.
