LAOAG CITY – Inlawlawag ni Barangay Chairman Derek Velasco iti Barangay Buyon iti ili ti Bacarra no apay a saanna a ginundawayan ti Livelihood Assistance Grants (LAG) ti Department of Social Welfare and Development (DSWD).
Segun kenkuana, 240 a ribo a pamilya ti nakaawat ti Social Amelioration Program (SAP) ken isuda koma met laeng ti maikkan iti LAG.
Nupay kasta, 80 ribo a pisos laeng ti maited iti barangay da no sadinno a ti kada recipient ket makaawat ti 5 ribo a pisos.
Gapu iti daytoy, umabot laeng ti 16 ti agbalin a benepisyaryo ti LAG wenno maysa a porsiento laeng manipod iti 240 nga household a nakaawat ti SAP iti barangay da.
Innayon na nga iti barangay da ket adda ti 60 nga household a maibilang a kakukurapayan iti lugar da.
Inbaga na a daytoy ti makaigapu a saanna nga inawat ti LAG gapu ta basbassit ti mabenepisyaran a kabarangayan na.
