LAOAG CITY – Inlawlawag ni Barangay Chairman Derek Velasco iti Barangay Buyon iti ili ti Bacarra no apay nga idi laeng Agosto ti pannakaibunong ti in-cash advance na idi Mayo.
Segun kenni Velasco, intantan na pay laeng ti pannakaibunong iti kwarat gapo ta manarimaan idi ti pannakaibunong ti ayuda babaen iti SAP ken iti Department of Agriculture.
Inbatad na a nagdesisyon a saan pay laeng a maibunong ti kwarta tapno maiyuna dagiti ayuda manipud iti gobierno national.
Kunana a ti inisyal a nagtutulagan ket amin a residente ken informal settlers ti mabunungan ngem nagdesisyon da met laeng a dagiti saan a nakaawat ti ayuda ti maikkan ti lima ribo a pisos iti kada pamilya nga inaprubran met ti Sang. Bayan.
Dinakamat na pay a 240 dagiti immawat ti SAP iti barangay da, 137 dagiti benipisyaryo ti DA ken 45 dagiti 4Ps.
Inpetteng na pay nga awan ti basol ti treasurer na gapo ta daytoy ti nagbalin a mandar na.
Kabayatanna, inadmitir ni Velasco a naikkan pay ti ayuda ti pamilya Florida agraman isuda nga opsiyales ti barangay kas frontliners.
