LAOAG CITY – Nagpanawagan ni Brgy. Chairman Gil Ramos iti Brgy. Gabu-Sur ditoy siudad ti Laoag kadagiti sumagmamano a menor de edad a mapukpukaw tapno agawid ken agsubli dagitoy kadagiti pamilya da.
Segun ken ni Ramos, umaboten iti uppat nga aldaw a saan a nagaw-awid dagiti menor de edad nu sadino a dua ditoy ti kabarangayanna ken maysa ti residente iti ili ti San Nicolas.
Inbatad na a malaksid kadagiti tallo ken rumrumuar pay nga adda ti tallo a kakadua dagitoy ngem saan a masinunuo ti eksakto a lugar a naggapoan da.
Immuna iti daytoy, inpakaammo ni Ramos a namin adon a daras a nagsubli kenkuana ti nagannak dagiti kabarangayanna na a mapukpukaw pakairamanan ti menor de edad iti ili ti San Nicolas tapno dumawat ti tulong iti pannakabirok dagitoy.
Kuna na a basar iti palawag dagiti nagannak kenkuana ket kellaat a saan a nagaw-awid ti annak da ngem tunggal madanon ti pasado alas singko sipud nagpukaw dagitoy ket mangipatulod da ti mensahe nga agawid da iti karabian na ngem awan pay ti natungpal.
Inbatad na a saan a napukaw ti komunikasyon dagiti nagannak kadagiti mapukpukaw a menor de edad ngem awan a pulos ti ipakaammo dagitoy nu sadino ti lokasyon da ken adda ti gundaway a mapukaw ti komunikasyon kadagitoy. Nabigbig dagiti karaman a mapukpukaw a menor de edad nga isuda Aira Asuncion ken Joyce Ann Balicaria.
