LAOAG CITY – Mamati ni Barangay Chairman Renato Garcia iti Barangay Santiago, Solsona, Ilocos Norte nga aramid ti kalaban na ti dimmanon a reklamo iti Bombo Radyo.
Immuna ti daytoy, adda ti nagreklamo iti Bombo Radyo seknan ti maipagarop a saan a panagperma ni Garcia ti barangay clearance ken business permit da.
Inpetteng ti kapitan nga inusar manen ti kalaban na iti mapaspasangasangan nga eleksyon ti agnagan ti Maribel Esteban gapu ta isu ti saanna a pinirmaan ti barangay clearance ken business permit na.
Inadmitir na a saanna a pinirmaan ti clearance ni Esteban gapu ta ado ti reklamo kenkuana maipanggep ti utang.
