LAOAG CITY – Inpakaammo ni Brgy. Chairman Jojo Bagay iti Brgy. 5 iti ili ti San Nicolas a nagsasaritan dagiti naapektaran a residente ken akinkua ti paggasolinaan a nag-leak iti nadakmat a lugar.
Segun kenkuana, awan ti nagbalin a reklamo dagiti residente kontra iti akinkukua ti paggasolinaan iso nga inikkan na daytoy ti barangay clearance tapnu agtultuloy ti paggasolinaan.
Kinunana a kinnidaw dagiti residente a madalusan ken dumalan iti rehabilitation dagiti bubondo a naapektaran ti nadakamat nga insidente.
Mainaig iti daytoy, adda ti immuna a nagbalin a saritaan a maikabitan ti linya ti danum dagiti naapektaran ngem naammoan a sumagmamano kadagitoy ket addaan ti linya ti danum.
Innayonna nga iti agdama ket awanen ti makitada a panag-leak ti gasolina gapu ta nasukatanen dagiti maususar a tanke para iti gasolina.
Kabayatanna, kinunana a naikkanen ti akinkukua ti pasdek negosio no sadinno nagsublin ti operasion ti paggasolinaan iti maika-tallo a lawas ti Hunio.
Maipalagip nga adda ti 11 a balay a naapektaran ti bubon na gapu iti nag-leak a gasoline station iti nadakamat a barangay idi Mayo 13 ita a tawen.
