LAOAG CITY – Inadmitir ni Barangay Chairman Freddie Marc Bagaoisan iti Barangay Casilian iti ili ti Bacarra nga adda ti dua a konsehal na a dagiti asawa da ti innala da a nairaman a nagbalin a benepisyaryo ti Tulong Panghanapbuhay sa Ating Disadvantaged / Displaced Workers (TUPAD).
Immunan nga inlawlawag ti kapitan a no ania ti listaan nga inpasa kenkuana dagiti kokonsehal na ket isumet lattan ti insumitir na iti munisipyo.
Inbatad na a sakbay nga insumitir na dagiti listaan ket kinita na pay laeng nga immuna ken ammo na a dagiti napili a benepisyaryo ket agpapada nga agkasapulan iti aniaman a programa ti gobierno.
Kuna na pay a dagiti dua a konsehal na a nangiraman iti asawa da a benepisyaryo ti TUPAD ket mannalon ken mangngalap.
Immun-una ngem iti daytoy, adda ti dimmanon nga impormasyon ditoy Bombo Radyo Laoag a dagiti maipagarop nailista a benipisyaryo ket dagiti opisyal ken kapamilya da, barangay tanod ken BHW.
