LAOAG CITY – Nagsurat ni Barangay Chairman Casimiro Galicinao iti Barangay Pulangi iti ili ti Bacarra, iti Ilocos Norte Electric Cooperative gapu iti naikkat a transformer.
Binayabay daytoy ti Sang panlalawigan iti panangidaulo ni Bokal Marlos Sales, Vice Chairman ti Committee on Good Governance.
Kuna na a naidanun kadakuada ti problema iti barangay iti panagturong da iti nasao nga ili isut gapuna nga inimbitaran da ti Ilocos Norte Electric Cooperative no sadinno a naduktalan a saan nga ammo ti kooperatiba ti napasamak.
Inpasingked met ti kooperatiba nga isubli da ti naikkat a transformer iti nadakamat a barangay.
Mainaig iti daytoy, inpakaammo ni Bokal Sales a nakapsot ti boltahe ti kuryente gapu iti pannakaikkat ti transformer a mabalin a makaperdi kadagiti appliances.
