LAOAG CITY – Napilaan ti kaso a disobedience ni Barangay Chairman Brgy. Chairman Francis Padron ti Barangay 1, Bacarra, Ilocos Norte.
Daytoy ti kinumpirmaran ni Police Chief Inspector Leri Layug, ti chief of police ti ili a Bacarra.
Segun ken ni Layug, inbalud da ti kapitan kalpasan a dinanog na ti maysa a kinariri na a ni Eric Blas, agtawen ti 34, awanan asawa, maysa a mekaniko ken residente iti Brgy 6 iti ciudad ti Laoag iti panagsasango da iti opisina na.
Immuna iti daytoy, nagturong ti kapitan iti maysa a tapsilogan iti nasao nga ili ket ditoy a timpuar ti nabara a saan da a nagkinnaawatan iti agnagan ti Melody Orensio ken ni Blas.
Gapu iti daytoy, dinanog ni Blas ti nasao a kapitan.
Inbatad ni Layug nga iti panagsasango dagiti maseknan iti opisina na tapno solbaren da ti napasamak ket ditoy metten a dinanog ti kapitan ni Blas.
Inpetteng ti hepe ti ili a Bacarra a sobra ti kinabartek ti kapitan idi mapasamak iti insidente.
Rumrumuar a love triangle ti namonganayan iti insidente gapu ta maipagarop a ti waitress ti nasao a panganan ket nabayagen nga ar-armen ti kapitan idinto a nobya ni Blas.
Malaksid ti kaso nga inpila ti PNP kontra ken ni Padron ket possible a pilaan pay ni Blas ti physical injury.
