LAOAG CITY – Pursigido ni Brgy. Chairman Jericho Dela Rosa ti Brgy. 21 ditoy ciudad ti Laoag a pagtalawen da dagiti agkaskasera a mangriribok ti barangay da.
Nabigbig dagitoy a da Cedric Planta, agtawen ti 26, naasawaan, maysa a security guard, ti amana a ni Angelo Planta, agtawen ti 52, naasawaan, awanan trabaho; Ronald Andres, agtawen ti 20 ken Florence Martinez.
Segun ken ni Brgy. Chairman Dela Rosa, daytoy nga addang nga aramiden na ket tapno adda ti pagbalbaliwan dagiti maseknan nangruna ket nagbalin dagitoy a sakit ti ulo sipod idi nagkasera da iti barangay da.
Inbatad na a maisagsaganan ti statement na para iti blotter mainaig iti napasamak kadagiti nadakamat nga agkaskasera.
Maipalagip a nagpadespensar dagiti maseknan karaman ti asawa ni Mr. Planta a ni Mrs. Julie Planta no sadinno nga inadmitir na a nakapagsarita daytoy ti madi a sao ken ni Dela Rosa gapu iti pungtot na ngem saan nga inawat ti kapitan kalpasan a nasakit ti nakem na gapu ta saan da a nirespetar daytoy kas mangidadaulo iti Barangay a pagkaskaseraan da.
