LAOAG CITY – Nagpalawag ni Barangay Chairman Jerry Quevedo iti Barangay Cayubog iti ili ti Paoay seknan ti naipadanon ditoy Bombo Radyo a reklamo seknan iti makalkali a paset iti Quiaoit River.
Daytoy ket gapo ta ti dalan ti backhoe nga agkalkali iti karayan ket isu met ti agbalbalinen a dalan ti danom a maiturong kadagiti balay.
Segun kenni Quevedo, no saan a makali ti paset ti karayan ket ag-overflow ti danom ken mabalin nga isu met ti manglayos kadakuada ken iti kabangibang a lugar.
Inbatad a no saan kuma a naipatungpal ti community quarantine gubuay ti covid-19 ket nalpas kuman ti nasao a proyekto.
Kabayatanna, nagpanawagan ni Quevedo kadagiti kabarangayan na a no adda man ti reklamo wenno anyaman a concern da iti lugar da ket idanon da laeng kadagiti opisyal.
