LAOAG CITY – Nagkedked a mangipaay ti naan-anay a komento ni Barangay Chairman Joel Aliga iti Barangay 24 iti ili ti San Nicolas seknan ti maysa a pagpakaseraan nga awan ti business permit na.
Segun iti impormasyon manipud kenni Aliga, ita na laeng nga ammo ti nasao a pagpakaseraan ken manamnama ti panagsasarita da iti barangay.
Daytoy ket kalpasan nga immunan a naireklamo seknan ti maipagarop a saan a panangited ti akin-kukua ti pagkaseraan dagiti arwaten ti maysa a nagkasera itay laeng kallabes.
Naamoan a napasamak daytoy uray awanen ti nasken a bayadan ti nagkasera.
Kunana nga urayen na a malpas nga ummuna ti panagsasarita da iti barangay sakbay a mangited ti naan-anay nga impormasyon seknan iti nasao nga isyu.
