LAOAG CITY – Linawlawagan ni Barangay Chairwoman Carmelita Tagavilla iti Barangay Poblacion dos iti ili ti Pasuquin no kasano ti napasamak a nakaawat ni Ludivico Fariñas ti ayuda manipud iti SAP ti DSWD ken iti Department of Agriculture.
Segun kenni Tagavilla, agnanaed iti Barangay da ni Fariñas ngem rehistrado iti Barangay San Juan iti nasao met laeng nga ili.
Inbatad na a ni Fariñas ket maysa a mannalon ken nagrehistro para iti ayuda nga ipaay ti DA rason a nakaawat.
Nupay kasta, kuna ti kapitan a nairana nga adda ni Fariñas idiay Barangay San Juan ken nakita dagiti kameng ti DSWD rason a nagpirma ken nakaawat.
Mainaig iti daytoy, kalpasan a nalawlawagan ti pasamak ken nagpakuyon ni Fariñas iti kapitan a napan iti DSWD ken insubli na ti kwarta.
