LAOAG CITY – Nasakit ti nakem ni Brgy. Chairwoman Marilyn Resquir iti Brgy. 48–A Cabungaan ditoy siudad ti Laoag gapu ta maipagarup a mailanglangi.
Daytoy ket kalpasan nga adda ti naipatulod a reklamo iti Bombo Radyo Laoag mainaig iti pannakaipatakder iti alad iti barangay hall nga adda ti maapektaran a pagtaengan.
Segun ken ni Resquir, nabayagen nga arapaapna a mapapintas ti nasao a barangay ken panggep ti proyekto ti maited ti kanayonan a seguridad para kadagiti residente.
Gapu iti daytoy, adda dagiti pagtaengan nga awan ti pagdalanan ti luganda no mapaaladan ti barangay hall.
Inlawlawagna a mangikabit da koma ti sliding door a pagturungan dagiti akinkukua ti pagtaengan iti aglawlaw ti barangay hall.
Nupay kasta, imbes a mapagsasaritaan ti nadkamat nga isyu ket nakaawat ni Resquir ti diskrimanasion maipanggep iti kinatao na rason a paaladanna daytoy ken saan a maikkan ti dalan.
Kabayatanna, maipagarop nga adda ti paset iti lote ti agrekreklamo ti naapektaran a pangipapatakderan ti alad iti iti barangay hall ngem kuna ni Resquir nga adda ti Deed of Donation.
