LAOAG CITY – Kinumpiraman ni Brgy. Kagawad Charles Gagarin nga isuna ti naipatugaw kas acting Brgy. Chairman iti Brgy. 20 ditoy ciudad ti Laoag.
Daytoy ket kalpasan nga adda ti naipadanon a damag iti biang ti Bombo Radyo Laoag a ni Jon-jon Dancel ti agtaktakem a kas kapitan.
Mainaig iti daytoy, maipagarup a namin ado a daras a na-renovate ti Barangay Hall iti nadakamat a lugar no sadinno adda ti agarup 5 million pesos a pondo.
Naammoan a naka-leave ni Brgy. Chairman Marilyn Dancel iti 4 a bulan a nangrugi iti bulan ti Hulio agingga Nobiembre.
Kabayatanna, nagkedked a mangipaay ti naan-anay pay nga impormasion gapu ta saan na pay a masinunuo dagiti dadduma a detalye.
