LAOAG CITY – Kinumpirmaran ni Police Chiesf Master Sergeant Noel Gamit, Chief Investigator ti PNP-Pinili ti pannakatiliw ti maysa a Barangay Kagawad iti Barangay Barbar iti nasao nga ili, nga agtawen ti 33.
Segun kenni Gamit, iti agdama ket maisagsaganan ti reklamo nga ipila da kontra iti Kagawad.
Karaman kadagiti linabsing ti kagawad ket ti RA 151 wenno Resistance and Disobedience to an Agent of a Person in Authority ken just vexation in relation to Executive Order 87-20, Violation of Curfew Hours ken Liquor Ban.
Ummuna iti daytoy, kuna ni Gamit a bayat nga agpatpatrolya da, pasado alas-nuebe idi rabii iti sakupen ti Barangay Salanap ket nakita da ti kagawad ken ti kadwa na a nagkalubbon iti motorsiklo isut gapo na a sinitar da.
Inlawlawag na a bayat a komkomprontaren da ti kagawad ken kadwa na ket bimmaba ti kagawad a saan a nakahelmet ken pinagsaw-an na dagiti otoridad.
Kunana a ti kagawad ken ti kadwa na ket nabartek idi komprontaren da ken nagprobokar pay.
