LAOAG CITY – Naglikudan ni Barangay Kagawad Primo Francisco iti Barangay Laureta iti ili ti Solsona dagiti maibatbato nga alegasyon kontra kenkuana.
Karaman iti alegasyon ket ti saan na a panag-home quarantine iti laksid a maipagarop nga adda ti exposure na kenni IN-C33 gapo ta naggi-inom da, ken saan nga agus-usar ti face mask.
Inpetteng na a saan na nakainuman ni IN-C33 saan nga agasideg ti pagtaengan da.
Inlawlawag na nga idi rimwar ti resulta ti swab test ni IN-C33 ken immay ditoy ciudad ti Laoag ken nagpakada iti nakaduty a ni barangay kagawad Fernando saan ket a maysa a BHW ti nangipakadaan na.
Inbatad ni Francisco nga idi nakaawid manipud ditoy ciudad ti Laoag ket napan na pay kinita dagiti taraken ken ti rabii ket rimwar pay laeng a napan iti Barangay hall tapno mapan na kitaen ti sitwasyon.
Kunana a kadagitoy a gundaway ket saan pay a naibaga kenkuana nga aghome quarantine gapo ta itay laeng bigat a naipapakammo kenkuana.
