LAOAG CITY – Inpetteng ni Brgy. Kagawad Guada Duldulao iti Brgy. Navotas ditoy siudad ti Laoag nga awan ti kinapudno ti alegasyon a maipagarup nga ipal-palubos na ti dine-in iti karinderya na iti laksid a maipatpatungal ti Enahnced Community Quarantine (ECQ) ditoy siudad.
Inbatad na a kalpasan ti pannakataripnong dagiti kapitan ken ni Mayor Michael Marcos Keon ket dagus met a naibalakad kadakuada nga opisyal dagiti masurot a pagalagadan.
Kuna na a maysa ditoy ti pannakaipawil ti din-in service kadagiti panganan.
Inbunannag na a kas maysa a kagawad ket isu na pay ti napusgan a nagapalagip kadagiti pada na nga addaan ti karinderya a maipawil ti dine-in.
Immuna iti daytoy, inadmitir ti kagawad nga aglutluto latta ti lako na iti karinderya ngem babaen laeng iti take-ou ti panaglako na.
