LAOAG CITY – Inadmitir ni Barangay Kagawad Jose Brandon Tabuy iti Brgy. Victoria iti ili ti Currimao nga adda ti nagkontraan da kenni Barangay Chairman Rodel Pacnis kabayatan ti panagsursur na iti barangay da.
Nu pay kasta, kuna na a saan a nagsasao ti dakes nu di ket kinomprontar na laeng nu apay a dagiti laeng pagparkingan ti lugan ti kanayun a kumikom wenno madillaw na ken saan kuma a ti pagsayataan ti barangay.
Mainaig iti daytoy, inlawlawag na a ti ina na ti immuna a nakasasarita ti kapitan ngem gapu ta adda ti high bloodna ket napan na dinanon.
Kabayatanna, inbaga na nga awan ti pakaiparkingan dagiti luganda isut gapu na nga adda iti kalsada.
Nu pay kasta, inpakaamo na metlaeng nga adda ti immuna rekomendasyon ti kapitan a mabalin nga iti kataltalonan ti pagparkingan da tapno awan dagiti pasalsali iti kalsada.
Maipalagip nga iti palawag ni kapitan Pacnis iti daytoy a banag ket maipagarup a pinagsawaw-an ni Tabuy kabayatan ti panagsursur da para iti road clearing operation nga inmandar ti DILG.
