LAOAG CITY – Naipatungpal ti total lockdown iti Brgy. Natba iti ili ti Bacarra gapu ti maipagarup a kaadda ti nagpositibo iti delta variant ti COVID-19.
Segun kenni Barangay Chairman Demsey Albano, iti nasao a barangay, iyur-uray da met ti kumpirmasyon seknan ti nasao a banag.
Kuna na nga adda ti tallo nga aktibo a kaso ti COVID-19 idinto a maipagarup a maikapat ti maseknan.
Inbatad ni Albano a maipagarup a naggapu iti Cavite ti kameng ti Philippine Coast Guard.
Innayon na a nangiyestablisar da ti dua a pagbantayan tapno mamonitor da ti barangay.
Kiniddaw na kadagiti kabarangayan na nga agan-annad ken sumurot kadagiti health protocols.
