LAOAG CITY – Pammalagip pay laeng ti naawat ti opisina ti Dept. Of Interior and Local Gov.t (DILG) manipud iti central office ti nasao nga opisina, kadagiti opisyales ti Barangay no ania iti akem da iti masungad a May 2019 midterms election.
Inbatad daytoy ni Mrs. Janet Duarte, Local Gov’t. Operations Officer ditoy ciudad ti Laoag.
Segun ken ni Duarte, insigida met nga inpakaammo da daytoy kadagiti opisyales ti barangay ditoy ciudad ti laoag.
LAOAG CITY – Kuna na a ti panagawat na iti panagbalin koma a “non partisan” dagiti opisyal ti barangay ket iti saan da a pannakibiang directly wenno indirectly iti masungad nga eleksiyon.
Ejemplo ni Duarte a no adda dagiti agturong iti barangay da ket masapaul nga okumudaren da dagitoy ket awan ti pilpilyen da.
Kuna na pay a mabalin nga ibaga dagiti opisyal ti barangay no siasinno dagiti kandidato da ngem saan a mabalin nga ikampanya da.
Kabayatan na, mabalin nga idiretso dagiti siasinnuman nga agreklamo no la ketdi adda pammaneknek da nga adda pannakainaig dagiti opisyal ti barangay iti panaggatang ti botos pabor ti kandidato inton May 2019 elections iti ‘main” office ti DILG.
Balakad daytoy ni Mrs. Janet Duarte, City Local Gov’t Operations Officer ditoy ciudad ti Laoag kadagiti nga adda ammo na mainaig iti panaggatang ti botos.
Kuna ni Duarte, nalawag ti inbaga ni Undersecretary Martin Diño a mabalin nga ideretso dagiti maseknan ti reklamo da iti opisina da.
Maipalagip a kadagiti kallabes ket adda reklamo kontra kadagiti opisyal barangay mainaig iti panagikampanya da kadagiti kayat da a kandidato.
