LAOAG CITY – Inbatad ni Barangay Kagawad Elmer Guimod iti Barangay Payak iti ili ti Bangui a saan dan a nag-second crop gapu iti kinakittid ti danom iti nasao a lugar.
Inlawlawag na a nagtudo iti napalabas a dua nga aldaw ngem saan latta a makaumanay gapu ta awan ti tudo iti napalabas a dua a bolan.
Segun kenkuana, napagnunumoan da kadagiti pada na nga agtaltalon iti nasao a barangay a mulaan da laengen kadagiti saan unay a makasapol ti danom dagiti pagtatalunan.
Innayon na a ti pagpilpilyan da nga imula a saan unay a makasapol ti nabuslon a danom ket ti mais, balatong, otong ken dadduma pay.
Mainaig iti daytoy, inpakaammo ni Guimod nga adda dagiti dadduma a kabarangayan da a nailaw-an a nagraep ngem awanen ti maaramidan da no saan a ti mangawat ti pagtungpalan dagiti raep da.
