LAOAG CITY – Kinumpirmaran ni Police Captain Norman Pentang, ti chief of police ti PNP-Banna a nakalockdown ita ti Barangat Tabtabagan kalpasan ti pannakaimaldit ti tallo a kaso iti nasao a barangay.
Dagitoy ket da IN-C383, babai, agtawen ti 41, empleyado ti LGU Banna ken nakapulapol ni IN-C340; IN-C384, lakay nga agtawen ti 72, ken nakapulapol ni IN-C360; kenni IN-C385, baket nga agtawen ti 68, barangay kagawad ken nakapulapol met ni IN-C360.
Segun kenni Pentang, ti nasao nga addang ket para iti naiget a contact tracing kadagiti nakapulapol dagiti nagpositibo.
Inlawlawag na a ti maysa pay a rason iti pannakailockdown ti nadakamat a barangay ket ado dagiti na-trace a primary contact ti nagpositibo a barangay kagawad.
Kunana a dagiti gapo iti panagpositibo ti barangay kagawad ket temporaryo a dagiti opisyales a saan a naka-isoalate, barangay tanod ken kameng ti PNP ti agbanbantay iti Barangay Tabtabagan.
Mainaig iti daytoy, kunana nga adda ti dinutukan ti kapitan ti barangay tapnomapan gumatang kadagiti kasapulan dagiti bumarangay.
Kabayatanna, kuna ni Pentang a ti alternate route ket ti Barangay Catagtagen iti nasao nga ili.
