LAOAG CITY – Nagyaman ni Mr. Jonathan Bumanglag, iti Brgy. Tangid ditoy siudad ti Laoag gapu ta maysa a kadagiti benepisyaryo ti “Buhay sa Gulay” a proyekto ti Department of Agrarian Reform.
Kuna na a nangrugi ti nasao a proyekto idi bulan ti Marso no sadinno a nagmula iti tarong ken okra idinto a nagmula met ti nagduduma a klase ti nateng dagiti kakadua na.
Segun kenni Bumanglag, babaen iti daytoy ket matulungan da nangruna kadagiti naapektaran ti COVID-19 pandemic.
Inbatad na a mangted ti DAR iti bukel ken abono ngem saan pay a mairefund dagiti dadduma a nausar gapu ta kasapulan ti resibo kadagiti nagastos.
Nagyaman pay ni Bumanglag iti Department of Agriculture ken maseknan nga ahensya ditoy siudad.
Inbunannag na a nakalako dan kadagiti bunga ti inmula da a nateng ken manamnama a mamulaan dagiti saan a mamulmulaan a lote intono bulan ti Setyembre ken Oktubre para iti maikadua a bansada ti ipaay ti DAR.
Innayon ni Bumanglag a napili ti barangay da a maipaayan ti tulong ken adda pay ti tallo a barangay a napili met para iti nasao a proyekto.
