LAOAG CITY – Inlawlawag ni Barangay Kagawad Cipriano Manzano Jr. iti Barangay 20, San Miguel ditoy ciudad ti Laoag a kanayon da a bagbagaan dagiti barangay tanod a no saan da nga agduty no nakainom dagitoy.
Segun kenni Manzano, awan met pay ti naaw-awat na a report nga adda dagiti barangay tanod a nakainom ti nasanger bayat a naka-duty.
Inpetteng na a kanayon na pay a palagipan ti chief tanod tapno maliklikan ti kastoy a problema.
Kunana a ti pammalagip da ket tapno saanen a maulit ti napasamak iti naglablabas a tawen.
Mainaig iti daytoy, kuna ni Chief Tanod Lorenzo Hernando nga awan ti naggi-inom a barangay tanod iti asideg ti tianggi ken saan na met nga ipalubos a dagitoy ket maoan agduty no adda da iti impluwensya ti nasanger.
Dinakamat na a kanayon a natratar iti panagtataripnong da ti panagduty dagiti tanod a saan a nakainom ti nasanger.
Kabayatanna, inadmitir ni Hernando a gapo iti sabali pay a trabaho dagiti tanod kas iti construction ket saan da a makaduty ken otomatiko met nga absent dagitoy.
Ummuna iti daytoy, adda ti naawat ti Bombo Radyo Laoag seknan iti maipagarop a panagduty dagiti barangay tanod iti laksid a nakanom da ti nasanger.
