Dead on arrival ti maysa a Brgy. Tanod kalpasan a nabagko-bagkong iti Brgy. 4-B Aring iti ili a Badoc.
Nabigbig ti biktima a ni Joseph Mayubay, 27, naasawaan idinto a ti suspek ket ni Mark Rodel Rinien, 25, awanan asawa, mannalon, agpada a residente iti nasao a barangay.
Segun kenni Pol. Major Artemio Clemente ti Chief of Police ti Badoc, bayat nga agi-inom da Mayubay iti pagtaengan da ket rimsua ti saan a panagkikinnaawatan dagiti sangaili da a nangitunda iti panagriri da.
Kuna na nga idi mapan aganawa ti biktima iti grupo ti suspek a kaarruba da nga agi-inom ket dita a nagrarambol da rason iti pannakabagko-bagkong ti biktma iti naminado a daras iti ulo ken iti bagi na.
Naamoan a karaman pay dagiti dua a kabsat ti suspek iti nangpa-o-pang-or iti biktima.
Insigida a naitaray ni Mayubay iti Sto Cristo Milagroso Hospital iti ili ti Sinait ngem gapu iti sinagaba na nga 6 a bagkong ket isu iti nangitunda ti pannakatay na.
Manarimaan a sarsaraken dagiti otoridad ti suspek a naglibas kalpasan ti insidente.
Manamnama ita nga aldaw ket ipila ti PNP ti kaso a murder kontra kenni Rinien.
Iti agdama, agtultuloy iti naun-uneg nga imbestigasyon dagiti otoridad mainaig iti napasamak a pammagkong.
