LAOAG CITY – Naarestar ti maysa a barangay tanud kalpasan a binagkong na ti maysa a lakay iti Barangay 1 ditoy ciudad ti Laoag.
Nabigbig ti suspek a ni Alvic Juan Baltazar, addaan ti umno a tawen, baro idinto a ti biktima ket ni Ramon Bagaoisan Jr., agpada dagitoy a residente iti nasao a barangay.
Iti imbestigasyon, kabayatan ti panagawid ti tanud manipod iti duty na ket nangngeg na ti panagrirriri ti suspek ken ti manugang na isut gapuna a napan naganawa.
Nupay kasta, maipagarop a ti metten biktima ken suspek ti nagriri a nagresulta ti panangbagkong ti tanud iti bakrang ni Bagaoisan.
Naitaray ti biktima iti ospital idinto a naarestar met a dagus ti suspek babaen kadagiti nagresponde a kameng ti pulisya.
Naamoan a nakainom ti nasanger ti tanud idi napasamak ti pammagkong.
Iti agdama, nagtalinaed iti kustodyar ti pulisya ti suspek kabayatan ti pannakaisagsagana ti reklamo a maipila kontra kenkuana.
