LAOAG CITY – Inpakaammo ni Acting Brgy. Chairman Ruel Rufin iti Bgry. Juan iti ili ti Solsona a naipatuludan ti Brgy. Treasurer ti Demand Letter gapu ta saan pay daytoy a pulos a nagreport iti barangay.
Daytoy ket kalpasan nga adda ti naipadanon a reklamo iti biang ti Bombo Radyo Laoag a marigatan dagiti residente ti barangay a mangala ti Brgy. Certificate a masapol a maresiboan gapu ta maipagarup a saan nga agananaed ti Brgy.Treasurer iti nadakamat a barangay.
Inbatad ni Rufin a botante ti nadakamay a Brgy. Treasurer no sadinno nga aganaed daytoy iti kabagianna.
Innayonna, sipud idi nagtugaw daytoy kas Acting Barangay Chairman ket saan pay a nagantendar ti session ti nadakamat a Brgy. Treasurer.
Kabayatanna, no matawagan ni Rufin ti Barangay Treasurer ket ado ti agabalinna a rason a saan daytoy a makaumay iti nadakamat a barangay.
