LAOAG CITY – Inlawlawag ni Brgy. Chairman Renier Mark Manuel ti Brgy. Zamboanga ditoy siudad ti Laoag a naiget ti panangipatungpalda ti pannakaipawil ti panag-parking iti igid ti kalsada dagiti lugan iti barangayda.
Segun kenkuana, daytoy ket maibasar iti City Ordinance idi Marso 2020 a pinutar ti Sangguniang Panlungsod ditoy siudad ti Laoag.
Gapu iti daytoy, kunana nga adda dagiti pakdaarna kadagiti residente a sumurot iti nasao nga ordinansa tapno saan a makaabbeng dagiti luganda iti kalsada.
Inbatadna a nasayaat met ti pannakisarsaritana kadagiti kabarangayanna tapno maallukoy dagitoy a saan nga ag-parking iti saan nga umiso a lugar.
Inpalgakna nga addan dagiti sumagmamano a lugan ti sinitada ken adda pay ti naikkandan ti ticket gapu iti panaglabsing iti nadakamat nga ordinansa.
