LAOAG CITY – Naisublin iti Senado ni dati a Bulacan assistant district engineer Brice Hernandez manipud iti Pasay City Jail.
Daytoy ket kalpasan ti panangipila ti kampo ni Hernandez iti writ of amparo iti Pasay Regional Trial Court Branch 112 a mangkiddaw iti temporary protection order ken maipasidong iti witness protection program.
Iti surat ti abogado na kenni Senate President Vicente “Tito” Sotto III, kiniddaw na manen ti panangawat da kenni Hernandez iti Senate Detention Facility.
Agtalek ti kampo ni Hernandez iti patas na a panangtrato ni Sotto ken Senate Blue Ribbon Committee Chairman Ping Lacson kenkuana.
Manamnama met a sumango ni Hernandez iti sumaruno a panagdengeg iti Blue Ribbon Committee.
Ummunan nga iti panagdengngeg iti House Infrastructure Committee, innaganan na dagiti sumagmamano a senador a mapapati a karaman iti anomalya kadagiti flood control projects.
