LAOAG CITY – Nagbalin a napintas ti pannakikooperar ni dati a Department of Public Works and Highways (DPWH) Bulacan Assistant District Engineer Brice Hernandez iti isaysayangkat nga imbestigasyon ti Independent Commission for Infrastructure (ICI) mainaig iti maanomalya a flood control projects.
Inbatad ni Independent Commission for Infrastructure special Adviser ken Baguio City Mayor Benjamin Magalong nga adda dagiti sensitibo nga impormasyon nga inbutaktak ni Hernandez kadakuada.
Innayon ni Magalong a nagbalin a napateg dagiti inbutaktak kadakuada ni Hernandez.
Inpetteng ni Magalong a dagiti sensitibo nga impormasyon ket mausar da iti imbestigasyon da.
Maipalagip nga insuko ni Hernandez ti luxury car na kas senyales a nakasagana daytoy a makikooperar iti imbestigasyon.
