LAOAG CITY – Manamnama ti pannakaiwayat ti panagtataripnong dagiti mangigidadaulo dagiti nagduduma a pagadalan ditoy probinsiya ken iti Department of Education-Ilocos Norte tapno mapagsasaritaan iti mapaspasangasangan a panakaiwayat ti “Brigada Eskwela 2024”.
Daytoy ti inpakaammu ni Atty. Donato Balderas Jr., ti School Division Superintendent ti Ilocos Norte.
Kunana a daytoy ket paset pay laeng iti tinawen nga iwaywayat ti Department of Education tapno isagana dagiti pagadalan tunggal aglukat ti klase.
Segun kenkuana ti nasao a panagtataripnong ket maiwayat inton bigat Hulyo 5.
Malaksid iti daytoy, inrakurakna a mapagsasaritaan pay dagiti baro a polisiya ken learning system nga i-implementar ti Department of Education iti School Year 2024-2025.
