LAOAG CITY – Pimmusayen ti British boxer ken dati a boxing world champion a ni Ricky Hatton iti tawen na a 46.
Basar iti pannakangiwat ti Greater Manchester Police, nakaawat da ti tawag nga awanen ti biag ti boksingero iti balay na iti Bowlace Road, Hyde, Tameside.
Saanen a dinakamat dagiti otoridad no ania ti nakatayan ti boksingero.
Naawagan kas “The Hitman” ni Hatton no sadinno a nangabak daytoy ti world titles iti light welterweight ken welterweight class.
Nakasango na ti sumagmamano a nalatal a boksingero iti lubong kas kada Floyd Mayweather Jr, Manny Pacquiao ken Kostya Tszyu.
Tawen 2007 iti inparaman kenkuana ni Mayweather ti kaunaan a pannakaabak na no sadinno nga adda koma ti nadalos nga 43 a panangabak na.
Nagretiro daytoy idi 2012 nga addaan ti nadalos a rekord nga 45 a panangabak ken tallo a pannakaabak.
Maipalagip a kadagiti naglabas a tawen ket saanna nga inlibak ti pannakaigamer na iti arak, droga ken depresyon.
Naikeddeng koma nga agsubli iti boxing ring intono Disyembre 2 ita a tawen tapno labanan ni Eisa Al Dah a idiay Dubai.
