LAOAG CITY – Nabirokan a nalamiisen a bangkay ti maysa a gangganaet iti Poblacion 1 iti ili ti Adams.
Ti biktima ket agtawen ti 66, naasawaan, British national ken residente iti nasao met laeng a barangay.
Basar iti Adams Municipal Police Station, segun iti asawa ti biktima nga idi birokenna ti asawana ket nakitana laengen nga awan ti biagna iti banyo iti maikatlo a kadsaaran ti maysa nga hotel.
Kabayatanna, naammoan a basar iti medical examination babaen ken ni Dr. Bielmaju Walley Bawingan, dati a doktor iti Rural Health Unit iti ili ti Adams a ti rason ti pannakatay ti biktima ket gapu iti heart attack wenno naatake iti puso.
