LAOAG CITY – Nagikkat iti pwesto ni Boris Johnson ti prime minister iti United Kingdom kalpasan a napukaw ti suporta daytoy manipod kadagiti top cabinet ministers.
Iti panagsarita ni Johnson, kuna na a masapolen a marugyan ti panagbirok ti baro a lider ken ti pay laeng cabinet ti agserbi iti UK agingga nga awan ti sumukat kenkuana.
Kabayatanna, nagyaman ni Johnson kadagiti nangpili kenkuana para iti kadakkelan a Conservative majority sipud idi 1987 ken ti kadakkelan a butos sipud idi 1979.”
Immuna nga inlawlawag na a ti rason iti panangitultuloy na ti rrabaho kadagiti naglabas nga aldaw ket saan laeng a gapu ta kayat na ngem dayty ti trabaho na ken responsibilidad kas iti inkari na idi 2019.
Maipalagip a kadagiti naglabas nga aldaw, ti agtawen ti 58 a ni Johnson ket sumangsango iti dakkel nga internal revolt iti Conservative Party gapu iti panangadutuk na iti politician a maak-akusaran iti sexual assault.
Makritkritikar pay daytoy gapu iti panaglabsing na iti lockdown rules kabayatan ti coronavirus pandemic.
