LAOAG CITY – Nakaaramid ti baro a rekord ni Filipino-American singer Bruno Mars.
Daytoy ti umuna nga artist a nakadanon ti 150 a milyon a monthly listeners iti Spotify.
Naammoan a dagiti sumagmamano a kantana ket ti panagkaduada ken ni Lady Gaga a “Die With A Smile” ken ken ni Rosie ti Black Pink iti kanta nga “APT.”
Ti “Die With A Smile” ket nakastrek iti Billboard Hot 100.
Nagsasaruno met ti panangkablaaw dagiti fans iti singer ken nasken laeng para kenkuana ti nasao a rekord.
Nagyaman met ti singer kadagiti fans gapu iti pananghiligda kadagiti kantana.
