LAOAG CITY – Nauram ti 25 acres wenno kaibatugan na ti nasurok 10 nga ektarya gapu ti brush fire idiay Maui.
Iti report ni Bombo International Correspondent Manny Pascua, nangrugi ti uram iti pasado alas dos iti parbangon ti Biernes Pebrero 21, 2020 aldaw idiay Hawaii.
Kuna na a nabugtak dagiti sumagmamano nga homeless kabayatan a matmaturog da.
Awan met ti naipakaammo a nasugatan kalpasan ti insidente.
Agtultuloy ti imbetigasyon dagiti otoridad no kasano a namunganay ti uram.
Innayon ni Pascua a nakaimaldit ti weather service iti nangato a temperatura iti nasao a lugar.
