LAOAG CITY – Agtultuloy ti panangmonitor ti Bangko Sentral ng Pilipinas (BSP) iti dati a Wishing Tree idiay Pasuquin, Ilocos Norte.
Daytoy ti inbatad ni Doctor Evelyn Tanagon iti Bangko Sentral ng Pilipinas (BSP) idiay ciudad ti Batac.
Segun kenkuana, isuda a mismo ti nangilungalong nga agaramid laengen ti agtagikua ti wishing tree iti aquarium tapno isu ti pagipanan dagiti tattao ti kwarta.
Nupay kasta, rumrumuar nga adda latta dagiti agsabsab-it ti kwarta iti kayo ti balete a naawagan ti wishing tree.
Inlawlawag ni Tanagon a saan da a maestablisar dagiti agikabkabil ngem ti possible a makasoanen ket ti akinbagi ti wishing tree.
