LAOAG CITY – Addan iti naikabit a pakdaar iti mismo mabigbigbig a wishing tree ti Brgy Davila Pasuquin Ilocos Norte manipud Bangko Sentral ng Pilipinas (BSP)
Daytoy ket kalpasan nga addu dagiti timmaod a negatibo a reaksyon dagiti maseknan kangrunaan na iti Department of Environment and Natural Resources Office (DENR) mainaig kadagiti naitaltal a barbarya a mabalin a pakasugatan wenno pakatayan iti nasao a kayo ti balete.
Saan laeng nga iti panagitaltal ti barya ti maiparit ngem ketdi uray ti agisabit wenno agigalut kadagiti papel a kwarta
Segun ken ni Dr. Buenafe Alinio, branch head ti BSP-Batac, nakikoordinar dan iti gobierno local ti ili a Pasuquin mainaig iti nasao a banag.
Kuna na a maikkan intono sumaruno a lawas ti alad ti nasao a kayo ken adda ti maipan a donation box a mabalin a pangipanan dagiti mapan agwish iti nasao a kayo.
Inlawlawag na a mamonitor a nalaing ti nasao a wishing tree gapo ta naipadanon pay daytoyen iti mismo main office ti Bangko Sentral ng Pilipinas.
