LAOAG CITY – Kissayan ti Bangko Sentral ng Pilipinas (BSP) ti maipatpatungpal a reserve requirement ratios (RRRs) kadagiti bangko.
Adda ti 200 basis points (bps) ti maikissay para kadagiti universal ken commercial banks (U/KBs) ken non-bank financial institutions nga addaan ti quasi-banking functions (NBQBs).
Ti 150 bps met ti maikissay para kadagiti digital banks ken 100 bps para kadagiti thrift banks (TBs).
Ti reduksion ket agresulta kadagiti sumaganad a reserve requirement ratios:
– 5.0 porsiento para iti U/KBs ken NBQBs
– 2.5 porsiento para kadagiti digital banks
– 0.0 porsiento para kadagiti TBs
Naammoan a dagiti baro a ratio ket agbalin nga epektibo iti reserve week a mangrugi inton Marso 28, 2025 ken maiyaplikar kadagiti lokal a currency deposits ken deposit substitute liabilities dagiti bangko ken quasi-banking functions.
Basar iti Bangko Sentral ng Pilipinas, ti panangkissay ti reserve requirement ratios ket mangpasayaat iti kabaelan dagiti bangko a mangipaay ti produktibo a pautang ken investment.
Kabayatanna, agbalin a nababbaba dagiti friction a mangparparigat iti financial intermediation.
